Veer Hammir Dev Chauhan

वीर हम्मीर देव चौहान : राजस्थानी में जीवनी लेखन री विधा अबार तक खास आधुनिक लेखन में उपेक्षित रैयी। डॉ. चन्दनबाला मारू री पौथी “वीर हम्मीर देव चौहान” इण दीठसूं मेताउ, सरावणजोग कोशीश छै। वीर हम्मीर देव देश अर दुनिया रा इतियास में एक प्रेरणादायी व्यक्तित्व कहीजै। जिणांरा नाम पर “तिरिया तेल हमीर हठ, चढ़ै न दूजी बार” जैडी लोकोक्तियां चाल पड़ी। जिण लोकोक्ति नै समाज सैंकड़ां बरसां सूं बोल रह्यौ अर बरत रह्यौ विण इतियासूं पख, प्रतीक अर संदरभ नैं खुलासेवार जीवनी रूप में आ पोथी समाज ने मिली छै।
आशा है कि महाराव हम्मीर री इण गौरवगाथा सूं भारत रा नवयुक राष्ट्र री बलिवेदी माथै प्राण निछावर करण री, प्रबल शत्रु रै सामै इ डट’र खड़ा हुवण री अर भारत रै मित्रां में विश्वास उत्पन्न करण री भावना नैं जगासी।